السلام عليكم
كيفكم ياحلوين ان شاء الله بخير وحشتوني تدوينه اليوم مشترياتي من بوتس ان شاء الله تعجبكم استمتعو احبكم 💘
مشترياتي بسيطه كله منتجات SOAP&GLORY صراحه توي اجربه احس اني اخر بنت تجربه طبعا بوتس اذا دخلته مستحيل مستحيل اطلع بدون ماخذا اشياء زياده من هنا وهناك بس هالمره قلت نوره سيطري على نفسك خوذي بس اللي تبين واطلعي المهم اغلب المنتجات اللي ابيها من سوب اند قلوري كانت مخلصه كانو مسوين تخفيض فكل شي خالص المهم كثرت سوالفي يارب ماطفشتو
شاور جل يجنن استخدمته كم مره بس يجنن ريحته حلوه ينفع اذا بتدلعين نفسك انا اعجبني وممكن اشتريه مره ثانيه
سكرب بس مو مره قوي لا بس لطيف على البشره اذا قرب للمويا يصير كأنه حليب ماراح ارجع اشتريه الان عادي مايستاهل اني اروح اجيبه
برضو سكراب خفيف بعد فيه حبيبات حسيته صعبه تذوب يبيلك تضغطين على بشرتك بقوه عشان تروح وقت يلمس المويا يصير كأنه شاور جل ريحته حلوه بس ماحبيته ماراح ارجع اشتريه
كريم للجسم حلو ريحته حلوه بس ماحسيته تثبت يعني يمكن تقعد ساعه ساعتين بس وتختفي الريح بس الترطيب يضل لليوم الثاني حلو
كمان شاور جل بس الاختي تقول حلو ريحته حلوه جربته مره حلو بس مو اللي ارجع اشتريه اما هي مره مغرمه فيه
سكراب حلو بس قوي مره على البشره اعششششق ريحته كأنه كراميل شي حالي فيه حبيبات اظن انه سكر مره حلو بس حاولو ماتشدون على بشرتكم الان قوي كمان هذا اذا قرب للمويه يصير كأنه حليب
كريم للجسم هذا لما شفته عيون صارت قلوب ادور عليه من زمان بس مجموعته مخلصه مالقيت الاهو ريحته حلوه وترطيبه حلو بس مو ترطيب عميق لا يعني يمكن لحد اليوم الثاني بس يضل مره حلو والريحه تبقى فتره ساعتين ثلاث ساعات كذا طبعاً تختلف ثبات الريحه من جسم لجسم
بس هذي مشترياتي اكتشفت انه كله سكرب وكريمات وشور جل بس فعلا مالقيت الاهم كل شي مخلص يمكن عشان التخفيض المهم ان شاءالله اعجبكم واعذروني اذا فيه اغلاط بالكتابه بس تعبانه احبببكم مره اشوفكم بتدوينه الجايه بأذن الله
❤BYE,LOVE
⬳⬳⬳
💕💕Follow me on
instagram: no__blog
snapchat: noonh_80
twitter: no__blog
