السلام عليكم
بعد غياب طويل كيفكم وش مسوين وحشتووني والله والله وحشتوني رمضان كريم ومبروك عليكم الشهر ياحبايب قلبي المهم نجي لتدوينه اليوم مشترياتي من حبيب الكل اي هيرب
هذي المشتريات كله ونجي بالتفصيل على كل منتج
اول ماشريت الماسك ماكنت متامله فيه كنت ابيه بس عشان الببلز اللي يطلعها يعني اخذته عشان الوناسه بس صدمني يابنات يجنن ينظف من قلب تحسين وجهك ينور من النظافه بس فيه عيب اللي هو غسله اذا جيتي تغسلينه يعل القلب صدق مايطلع بسرعه لافرك وفرك بعده يطلع بس نتايجه تشفع لهذا العيب وكمان جاني بعض الماسك طالع برا والعلبه ماتسكر زين قصدي مو الغطايه اللي فوق لا اللي تحته يارب فهمتو😂
سعره :47.73
ماسك لتحت العين باللؤلؤ الاسود والذهب حلو كترطيب بس للحين ماشفت عليه شي اصلا شريته للدلع اخذت منه علبتين وحده لي والثانيه لماما حبيت الترطيب بس المزعج فيه ريحته عطريه جدا ماتوقع اذا خلص برجع اشتريه عشان الريحه بس
سعره: 37.12
ماسك من نيتروجينا لحب الشباب ماناسبني ابداً اول مره استخدمته كان عادي ثاني مره حسيت بحرقان بوجهي قلت عادي بعدين ماقدرت اتحمل ورحت غسلت وجهي صار كأنه طماطم احمر ومره يألم ماناسبني مره احرق وجهي من بعده انعدم الحين رجعت اعالج فيه من بعد الماسك السيء هذا استخدم مرتين بس راح اجربه مره ثانيه واذا صار نفس اخر مره خلاص بسحب عليه اختي مره ناسبه حتى اعطاه نضاره مو دائمه بس نتايحه حلوه عليها بشرتها دهنيه وانا مختلطه
سعره : 35.57
غسول سيتافيل حبيت انه يعطي نعومه كذا بشرتي تصير طريه بعد الاستخدام اما انه يعالج الحب لا للحين ماشفت شي الاني سمعت انه يعالجهم تعرفون الحب اللي يطلع بعد توتر الاختبارات يعل وبعد ماينظف من قلب بس للحين هو تحت التجربه
سعره: 40.42
ماسكات للدلع للحين ماجربت من شي بخليهم الاخر رمضان يعني قبل العيد الاول للبشره المرهقه سعره: 11.33
الثاني عشان شفت كثير يمدحونه قلت اجربه سعره: 22.73
الثالث برضو الانه كثير يمدحونه قلت اجربه سعره: 26.51
مقوي الاظافر استخدمته مره وحده بس بعده انشغلت الانطباع الاول ريحته مره مو حلوه ماعرف كذا ريحه ماعجبتني مره يمكن غيري يتقبل الريحه اما انا لا راح استخدمه بعيدا عن ريحته بس الانه الكل مؤيد انه مره حلو يطول ويقوي الاظافر
سعره: 25.19
زيت شجره الشاي ومن مايعرفه مره حلو ريحته قويه مره كنت اسوي شي عبيط فيه اخلطه من غسول سيتافيل ووجهي بعد احسه مولع ماعرف ليش طلع زيت عطري 😂بس يعتبر مو سيء الاستخدام الوجه
سعره: 23.41
