السلام عليكم
كيفكم اليوم صباح\مساء الخير ادري تأخرت عليكم بس راجعه
بموضوع ان شاءالله يعجبكم
تدوينه اليوم عن غسول ومقشر من ديور
الغسول اسمه
DIOR HYDRA LIFE
LOTION TO FOAM - FRESH CLEANSER
متكون من أوراق الشاي الابيض اللي بدوره تنقي وتنعش البشره
بقولكم تجربتي معاه حبيته او لا
ماكنت رايحه ابيه كنت ابي مجموعه ثانيه بس ماعرف وش صار وشريته المهم مدحتو لي اللي بالمحل حلو وينظف البشره وكمان يستخدم كمزيل مكياج قلت لها اوكي ابغى للبشره المختلطه قالت لي كل البشرات نفس بعض خوذي هذا اللي بالصوره 👆
المهم اخذته وهذا غلط مني المفروض ماخذه جربته تقريبا اسبوع صدق ينظف البشره بس طلع لي حبوب صغيره يمكن عشانه مو لبشرتي اختي جربته منهبله عليه تقول يجنن بشرته دهنيه مره حلو خفف الدهون الغير مرغوبه بالوجه وكمان خفف الحبوب
لوتلاحظون بيخلص مره اعجب اختي وتقول بترجع تشتري منه انا ماناسبني ابدا صح تحسين البشره نظيفه مره بس ينششف مره وطلع لي حبوب مع انه هي قالت لي ترطيبه عالي للاسف ماحسيت فيه
سعره للاسف ماتذكر الانه شريته من بدايه رمضان اعتذر منكم
المنتج الثاني سكراب لبشره الوجه اسمه
DIOR HYDRA LIFE
TIME TO GLOW - ULTRA FINE EXFOLIATING POWDER
من نفس مجموعه الغسول حلو يقشر البشره بشكل خفيف زي الباودر تحطين عليه مويا ويصير رغوه
بعدين تغسلين فيه وجهك بحركات دائريه احبه استخدمه مع
- كلاريسونيك صدق يعطيك احساس النظافه لبشرتك بس عيبه ينشف البشره مره يعني لازم ترطيب عميق يعطيك اشراقه خفيفه حلوه
ناسب بشرتي مختلطه وكمان اختي بشرتها دهنيه استخدمته تقول حلو بس تقول كمان ينشف الانه يشيل الدهون الغير مرغوبه بس بصراحه انقطعت عنه فتره العيد وراجعه له الحين كمان قالت لي اللي بالمحل يناسب كل انواع البشره يستخدم مره وحده او مرتين بالاسبوع وهذا كمان ماتذكر السعر بس كان بحدود 200 وشي كمان الغسول نفس الشي
⤖⤖⤖⤖⤖⤖⤖⤖
