غسول قلام جلو | THIRSTYCLEANSE™ Daily Hydrating Cleanser

السلام عليكم 

بسم الله الرحمن الرحيم 

كيفكم وش مسوين ان شاء الله تعجبكم تدوينه اليوم واعتذر منكم اني تأخرت عليكم 

كلنا نحتاج ندلع بشرتنا وتحتاج الى سبا وتنظيف عميق جداَ نهايه كل اسبوع عشان كذا روحو دلعو بشرتكم الانه تستاهل قد ماتهتمين ببشرتك يبين عليها ياجميله 

عشان كذا اقرو معي هذي التدوينه ان شاء الله تعجبكم 

غسول من ماركه قلام جلو 

THIRSTYCLEANSE™ Daily Hydrating Cleanser

غسول يومي ينظف اللي بسيفورا قالت لي يناسب البشره المختلطه لما بحثت طلع للبشره الجافه انا بشرتي مختلطه تميل للجافه 

يحتوي على زيت اللوز وجوز الهند 

الغسول قوامه طين يتحول الى رغوه كانه صابون كانه قناع بس مجرد مايقرب للمويه يصير رغوه صابون ينظف البشره من قلب ويخليها منتعشه 

يزيل المكياج وكمان الشوائب تعرفون مع جونا غبار هذا افضل حل 

يستخدم يومياَ صباحاً ومساءاً ريحته حلوه حست فيه ريحه قهوه على جوز هند مادري بس حلوه استخدمه مع اله الكلاريسونيك

ضغطه وحده او ثنتين تفي بالغرض حطيه على وجهك بعدين بالجهاز او بيدك عادي بس يدك تكون نظيفه بحركات دائريه وبعدين اشطفيه بمويه دافيه

 

من مميزاته :

• ينظف البشره يعطيها ترطيب

• يساعد على معالجه حب الشباب {موتعتمدين عليه انه بيخلصك من حب الشباب لا هو فقط يساعد}

من سلبياته :

• يعتبر غالي كغسول بستخدمه بشكل مستمر 

• وكمان مرات تنزل كتل ماعرف ليش بس احس انه شي سلبي بالنسبه لي 

سعره 170 

بس هذي تدوينه اليوم  <كم مره قلت تدوينه ههههههه خفيفه لطيفه بصراحه جميل اكيد برجع اشتري منه لاني حبيته 

اشوفكم بتدوينه ثانيه ان شاءالله  احبكم مره مره 

2 comments Skincare

مراجعه ديور هيدرا لايف | DIOR HYDRA LIFE Review

السلام عليكم 

 كيفكم اليوم صباح\مساء الخير ادري تأخرت عليكم بس راجعه

بموضوع ان شاءالله يعجبكم 

 

تدوينه اليوم عن غسول ومقشر من ديور

الغسول اسمه 

DIOR HYDRA LIFE

LOTION TO FOAM - FRESH CLEANSER

متكون من أوراق الشاي الابيض اللي بدوره تنقي وتنعش البشره

بقولكم تجربتي معاه حبيته او لا

ماكنت رايحه ابيه كنت ابي مجموعه ثانيه بس ماعرف وش صار وشريته المهم مدحتو لي اللي بالمحل حلو وينظف البشره وكمان يستخدم كمزيل مكياج قلت لها اوكي ابغى للبشره المختلطه قالت لي كل البشرات نفس بعض خوذي هذا اللي بالصوره 👆

المهم اخذته وهذا غلط مني المفروض ماخذه جربته تقريبا اسبوع  صدق ينظف البشره بس طلع لي حبوب صغيره يمكن عشانه مو لبشرتي اختي جربته منهبله عليه تقول يجنن بشرته دهنيه مره حلو خفف الدهون الغير مرغوبه بالوجه وكمان خفف الحبوب 

لوتلاحظون بيخلص مره اعجب اختي  وتقول بترجع تشتري منه انا ماناسبني ابدا صح تحسين البشره نظيفه مره بس ينششف مره وطلع لي حبوب مع انه هي قالت لي ترطيبه عالي للاسف ماحسيت فيه 

سعره للاسف ماتذكر الانه شريته من بدايه رمضان اعتذر منكم

 

المنتج  الثاني سكراب  لبشره الوجه اسمه 

DIOR HYDRA LIFE

TIME TO GLOW - ULTRA FINE EXFOLIATING POWDER

 من نفس مجموعه الغسول حلو يقشر البشره بشكل خفيف زي الباودر تحطين عليه مويا ويصير رغوه

 بعدين تغسلين فيه وجهك بحركات دائريه احبه استخدمه مع 

• كلاريسونيك صدق يعطيك احساس النظافه لبشرتك بس عيبه ينشف البشره مره يعني لازم ترطيب عميق  يعطيك اشراقه خفيفه حلوه 

ناسب بشرتي مختلطه وكمان اختي بشرتها دهنيه  استخدمته تقول حلو بس تقول كمان ينشف الانه يشيل الدهون الغير مرغوبه بس بصراحه انقطعت عنه فتره العيد وراجعه له الحين كمان  قالت لي اللي بالمحل يناسب كل انواع البشره يستخدم مره وحده او مرتين بالاسبوع وهذا كمان ماتذكر السعر بس كان بحدود 200 وشي كمان الغسول نفس الشي

⤖⤖⤖⤖⤖⤖⤖⤖

اتمنى انكم استفتدو منه واعذروني على القرق😂 بس قلت اشرح لكم كل شي بالتفصيل المهم اشوفكم بتدوينه ثانيه احببكم 💕

2 comments Skincare

مراجعه فاونديشن ديورسكن فور ايفر | DIORSKIN FOREVER Review

                              السلام عليكم 

كيفكم انا نورا سعيده جداَ قدرت ابداء طفلتي الصغيره اليوم بدخل بحماس وبنبداء بالتدوين اتمنى تستمتعون 

    منتج اليوم فاونديشن منDior اسمه

 DIORSKIN FOREVER

رأيي بفاونديشن ديور سكن فور ايفر 

جميل يعطيك تغطيه من ميديوم الى فل كفر اذا كثرتي منه الملمس على البشره كأنه مخملي يخلي البشره تتنفس مو مكتومه  الفاونديشن مات فيه شوي لمعه بسيطه جدا يجلس على البشره تقريبا 16 ساعه او اكثر اذا حطيتي مثبت مكياج يصير تمام التمام ينفع للبشره المختلطه السعر والله ياحلوات ماتذكر بس مو اعلا من 250 

انا مغرمه بدرجه 032حلوه مناسبه للوني 

 الدرجه الثانيه 020 مو مره حبيته لانه اللون حسيته ابيض شوي علي 

اللونين مع بعض 

بتقولون لي ليش اخذت لونين 

020 اخذتها لأن درجتي مو متوفره واللي بالمحل قالت لي هو بعد فتره يغمق اللون مع استخدامي له حسيته يغمق مره يعني يصير اغمق من لوني بدرجتين بس مو علطول لا يغمق بعد عشر دقايق تقريبا

نجي للعيوب اللي فيه هو عيب واحد انه بعد فتره تحسين  يطبع على الكلينكس واي احد تسلمين عليه يطبع يعني يفشل الحل اللي اكتشفته بصراحه ماكنت ادري عنه اللي هو حطيت عليه بودر من نفس الماركه اسمها 

   DIORSNOW LOOSE POWDER

                   

                                      ↠↠↠↠↠↠↠↠↠

وبس هذي تدوينه اليوم لمراجعه فاونديشن ديور اتمنى تكونو حبيتوها وكلامكم يسعدني شكرا لكل وحده ادعمتني اي لوف يو هيا البلوي احبك ياشيخه وشهد حلوتي وانوار عمري شكرا لكم على دعمكم لي 

كونو بالقرب جايتكم بمواضيع ان شاء الله تعجبكم 

4 comments Beauty